Poetry Lovers' Page - Robert Louis Stevenson: The Spaewife
Poetry Lovers' Page
Poetry Lovers' Page:
featuring complete collections of poems by the following poets:
Rudyard Kipling
Edgar Allan Poe
Robert Louis Stevenson

You are here: Home » British/American Poets » Robert Louis Stevenson » The Spaewife



Share |
Robert Louis Stevenson

Robert Louis Stevenson

The Spaewife

From Underwoods
(See the Table of Common Scottish Vowel Sounds)
O, I wad like to ken - to the beggar-wife says I -
Why chops are guid to brander and nane sae guid to fry.
An' siller, that's sae braw to keep, is brawer still to gi'e.
- It's gey an' easy spierin', says the beggar-wife to me.

O, I wad like to ken - to the beggar-wife says I -
Hoo a' things come to be whaur we find them when we try,
The lasses in their claes an' the fishes in the sea.
- It's gey an' easy spierin', says the beggar-wife to me.

O, I wad like to ken - to the beggar-wife says I -
Why lads are a' to sell an' lasses a' to buy;
An' naebody for dacency but barely twa or three
- It's gey an' easy spierin', says the beggar-wife to me.

O, I wad like to ken - to the beggar-wife says I -
Gin death's as shure to men as killin' is to kye,
Why God has filled the yearth sae fu' o' tasty things to pree.
- It's gey an' easy spierin', says the beggar-wife to me.

O, I wad like to ken - to the beggar wife says I -
The reason o' the cause an' the wherefore o' the why,
Wi' mony anither riddle brings the tear into my e'e.
- It's gey an' easy spierin', says the beggar-wife to me.

Share |


You are here: Home » British/American Poets » Robert Louis Stevenson » The Spaewife
Poetry Lovers' Page
Poetry Lovers' Page is going through renovation. Please stay tuned for new and exciting features.
We are now dictionary-enabled. Try it: double-click on any word on this page, and then click on Definition