Poetry Lovers' Page
Poetry Lovers' Page:
featuring complete collections of poems by the following poets:
Rudyard Kipling
Edgar Allan Poe
Robert Louis Stevenson

You are here: Home » British/American Poets » Robert Louis Stevenson » A Mile An' a Bittock



Share |
Robert Louis Stevenson

Robert Louis Stevenson

A Mile An' a Bittock

From Underwoods
(See the Table of Common Scottish Vowel Sounds)
A mile an' a bittock, a mile or twa,
Abune the burn, ayont the law,
Davie an' Donal' an' Cherlie an' a',
An' the mune was shinin' clearly!

Ane went hame wi' the ither, an' then
The ither went hame wi' the ither twa men,
An' baith wad return him the service again,
An' the mune was shinin' clearly!

The clocks were chappin' in house an' ha',
Eleeven, twal an' ane an' twa;
An' the guidman's face was turnt to the wa',
An' the mune was shinin' clearly!

A wind got up frae affa the sea,
It blew the stars as clear's could be,
It blew in the een of a' o' the three,
An' the mune was shinin' clearly!

Noo, Davie was first to get sleep in his head,
"The best o' frien's maun twine," he said;
"I'm weariet, an' here I'm awa' to my bed."
An' the mune was shinin' clearly!

Twa o' them walkin' an' crackin' their lane,
The mornin' licht cam gray an' plain,
An' the birds they yammert on stick an' stane,
An' the mune was shinin' clearly!

O years ayont, O years awa',
My lads, ye'll mind whate'er befa'-
My lads, ye'll mind on the bield o' the law,
When the mune was shinin' clearly.

Share |


You are here: Home » British/American Poets » Robert Louis Stevenson » A Mile An' a Bittock
Poetry Lovers' Page
Poetry Lovers' Page is going through renovation. Please stay tuned for new and exciting features.
We are now dictionary-enabled. Try it: double-click on any word on this page, and then click on Definition